అమెరికాలో లక్ష నుంచి 2 లక్షల మంది చనిపోవచ్చు.! దారుణ పరిస్థితి…


ఏమీ చేయలేము, అంతా జనం చేతుల్లోనే:

అగ్రరాజ్యం అమెరికాలో కరోనా వైరస్‌ విలయతాండవమే చేస్తోంది. గడుస్తున్న ఒక్కోరోజు ఆ దేశ చరిత్రలో చీకటి దినంగా మిగిలిపోతోంది. ‘జాన్స్‌ హాప్‌కిన్స్‌ యూనివర్సిటీ’ సేకరించిన సమాచారం ప్రకారం.. సోమవారం సాయంత్రం 8.30గంటల నుంచి మంగళవారం సాయంత్రం 8.30గంటల మధ్య అంటే 24 గంటల్లో 856 మందిని కరోనా మహమ్మారి బలిగొంది. దీంతో ప్రస్తుతం అక్కడి మృతుల సంఖ్య 3,896కు చేరింది. చైనా అధికారిక మరణాల సంఖ్యను మంగళవారం సాయంత్రానికే అమెరికా అధిగమించేసింది.



మరోవైపు బాధితుల సంఖ్య అంతకంతకూ పెరిగిపోతోంది. తాజా వ్యాప్తిని బట్టి చూస్తే మరికొన్ని గంటల్లో ఇది రెండు లక్షలకు చేరడం ఖాయమనిపిస్తోంది. అయితే వీరిలో కేవలం 7,082 మంది మాత్రమే కోలుకోవడం ఆందోళన కలిగిస్తోంది.
కరోనా మహమ్మారిని ఓ పీడగా అభిర్ణించిన అధ్యక్షుడు ట్రంప్‌ ఈ రెండు వారాలు అత్యంత బాధాకరంగా గడవనున్నాయని అమెరికాలో లక్ష నుంచి 2 లక్షల మంది చనిపోవచ్చు అని అభిప్రాయపడ్డారు.



మరికొన్ని రోజుల్లో మరింత గడ్డు పరిస్థితులు రానున్నాయని, ఎదుర్కోవడానికి ప్రతిపౌరుడు సిద్ధంగా ఉండాలని ఆయన ప్రజలకు పిలుపునిచ్చారు. ఇప్పటికిప్పుడు అద్భుతం సృష్టించే మందేమీ లేదని. కేవలం మన వ్యవహార శైలితోనే దీన్ని తరిమికొట్టగలమని గుర్తుచేశారు. ప్రతిఒక్కరూ సామాజిక దూరం పాటించాలని సూచించారు. రానున్న 30 రోజులు అత్యంత కీలకమని గుర్తుచేశారు.

No comments

Powered by Blogger.